नेपाल पत्रकार महासंघलाई माओवादीका
प्रवक्ताको चिठी
नेपाल पत्रकार महासंघलाई माओवादीका प्रवक्ताको चिठी
सभापतिज्यू
नेपाल पत्रकार महासंघ, केन्द्रीय समिति
विषय : जानकारी गराइएको बारे ।
नेपाल पत्रकार महासंघ, केन्द्रीय समितिद्वारा पे्रस
स्वतन्त्रता सम्बन्धमा हाम्रो पार्टी नीति र प्रतिबद्घता र्सार्वजनिक
गर्न आग्रह गर्दै उठाइएका विभिन्न विषयहरुमा हाम्रो पार्टी गम्भीर
ध्यानाकर्षर्ा भएको छ । महासंघले उठाएका सबै विषयप्रति पार्टी सकारात्मक
रहेको जानकारी गराउँछौँ ।
नेपालमा सामन्तवाद र साम्राज्यवादका विरुद्ध संचालित
न्यायपूर्ण युद्घको नेतृत्व गरिरहेको हाम्रो पाटीले भीषण गृहयुद्घको
वर्तमान अवस्थामा पनि प्रेस स्तन्त्रताप्रति उच्च सम्मान गर्दै आएको
छ । हाम्रो पार्टी जनताका सबै प्रकारका मौलिक तथा राजनीतिक अधिकारको
पूर्ण प्रत्याभूति गर्नुका साथै वाक् तथा प्रेस स्तन्त्रताको समेत
पूर्ण ग्यारेन्टी गर्ने नीति अख्तियार गरेको यहाँहलाई अवगत नै छ
। जनसमुदायमाथि सामन्ती सैन्य सत्ताको अभ्यास गरिरहेको पुरानो सत्ताबाट
वास्तविक अर्थमा प्रेस स्वन्त्रताको ग्यारेन्टी हुन नसक्ने तथा जनताद्वारा
निर्मित नयाँ सत्ताबाट मात्र वास्तविक प्रेस स्वतन्त्रताको रक्षा
विकास र सम्मान हुन्छ भन्नेकुरामा हाम्रो दृढ विश्वास छ । हाम्रो
पार्टी प्रेस स्वतन्त्रता र सूचनाको हकजस्ता कुरालाई र्सर्वेपरि
महत्व दिँदै आलोचनात्मक प्रेसलाई संथागत गरेर मात्रै वास्तविक प्रेस
स्वतन्त्रताको ग्यारेन्टी गर्न सकिन्छ भन्ने कुरामा जोड दिँदै आएको
छ ।
केही दिनअघि भएको पत्रकार डेकेन्द्र थापाको
घटना सम्बन्धमा उक्त घटना हाम्रो पार्टी नीति र निर्देशन विपरीत
भएको कुरा स्पष्ट गर्दै पार्टी तर्फाट र्सार्वजनिक आत्मालोचनासहित
आगामी दिनमा यस्ता घटना हुन नदिने प्रतिवद्घता समेत व्यक्त गरिएको
छ । हाल हाम्रो पार्टी पार्टी नीति विपरीत स्थानीय निकायबाट भएको
उक्त घटनाका सम्बन्धमा गम्भीर रुपले थप अनुसन्धान प्रक्रियासमेत
अघि बढाइरहेको छ । त्यसै गरी पार्टी तल्ला निकायहरुलाई थुनामा कुनै
पत्रकारहरुलाई राखिएको भए तत्काल रिहा गर्न, प्रेस स्वत्रतामाथि
कुनैपनि किसिमको बाधा र अवरोध नपुर्याउन एवं पत्रकारहरुलाई कुनै
प्रकारले नधम्क्याउन समेत निर्देशन दिइएको छ । जुनसुकै आस्था र विचारका
पत्रकारहरु भए पनि उनीहरुमाथि कुनै पनि प्रकारको भौतिक एवं मानसिक
कारबाही नगर्ने हाम्रो स्पष्ट नीति रहेको कुरासमेत स्पष्ट गर्न चाहन्छौँ
। साथै आज कतिपय युद्घग्रस्त क्षेत्रहरुमा पुरानो सत्ताका सुरक्षाकर्मीहरुले
आफूलाई पत्रकार र मानवअधिकारवादी भएको बताउँदै जनता र कार्यकर्ताहरुको
हत्या गर्दै हिँडेको समेत पाइएकाले हामी पत्रकार मित्रहरुलाई अहिलेको
भीषण गृहयुद्घको जटिल संवेदनशीलताको स्थितिलाई ख्याल गर्दै ती इलाकाहरुमा
जानुपूर्व हाम्रो पार्टीई जानकारी गराइदिनु हुन पनि विनम्र अनुरोध
गर्छौँ ।
नेपाल पत्रकार महासंघले उठाएका विषयहरुमा आपसी
संवाद र छलफलको प्रक्रियाबाट समस्या समाधान गर्न हाम्रो पार्टी तत्पर
छ । पत्रकार समुदायसँगको संवाद र सहमतिमा समस्या समाधान गर्ने हाम्रो
प्रयत्नप्रति महासंघसमेत सकारात्मक रहनेछ भन्ने विश्वास लिएका छौँ
। धन्यवाद ।
कृष्णबहादुर महरा
प्रवक्ता
नेकपा (माओवादी) केन्द्रीय समिति
मिति २०६१ भदौ २५
|
